Ka një derbi anglez mes Liverpoolit dhe Manchester United, por kësaj radhe jashtë fushës së blertë.

Mesfushori turk Orkun Kokcu i ka futur në ‘luftë’ dy rivalët e mëdhenj anglez Liverpool dhe Manchester United.

22-vjeçari është duke shkëlqyer me ekipin e parë të Feyenoordit dhe ka qenë ndër më meritorët që kjo skuadër ka fituar titullin e kampionit në Eredivisie.

Kokcu ka zhvilluar 44 ndeshje zyrtare ku ka realizuar 12 gola e ka asistuar në pesë të tjerë në të gjitha garat.

Dail Mail ka raportuar se dy gjigantët anglezë e kanë përcjell prej kohësh mesfushorin turk dhe duan transferimin e tij qysh në afatin kalimtar të verës.

Reprezentuesi turk pasi ka fituar titullin e kampionit në Holandë ka shprehur haptazi dëshirën për tu larguar në mënyrë që ta bëj një hap para në karrierën e tij.

Feyenoord është gati ta lejoj largimin e kapitenit, por synon që nga shitja e tij të fitoj rreth 35 milionë euro.

Përveç Liverpool e Manchester United, interesim për të kanë shfaqur edhe Borussia Dortmund, Juventus, Milan dhe Tottenham Hotspur. /Telegrafi/